SIZP

Донесен е нов правилник за форма, содржина и начин на водење на базата на податоци за идентификација на земјишни парцели

admin — Mon, 09 Apr 2012 12:24:20 +0000

Новиот правилник за идентификација на земјишни парцели е објавен во “Службен весник на Република Македонија“ број 174/2011, на 16.12.2011. Правилникот можете да го преземете подолу на линкот.

Pravilnik_SIZP

Во тек е националната кампања ”Систем за идентификација на земјишни парцели – СИЗП”

admin — Wed, 25 May 2011 12:35:52 +0000

Во изминатиот период дистрибуирани се лифлети за информирање на земјоделците за воспоставување на Системот за идентификација на земјишни парцели – СИЗП. Печатени копии од лифлетите можат да се најдат во подрачните единици на Министерството за земјоделство, шумарство и водостопанство – МЗШВ и Агенцијата за поттикнување на развојот во земјоделството- АПРЗ

Ова е дигитална верзија на лифлетот и на АЛ ………

Како дел од медиумската кампања подготвена е брошура за земјоделците, која ќе биде достапна на крајот од мај 2011 во подрачните единици на МЗШВ и АПРЗ.

Ова е дигитална верзија на Брошура за земјоделеците

Од 6 Јуни 2011 година, ќе започне медиумска кампања со која ќе се информираат земјоделците за важноста од воспоставувањето на овој систем (СИЗП) и на кој начин и каде ќе можат да се регистрираат. Емитувањето на ТВ спот ќе биде на националните ТВ станици (Сител, Канал 5, Алсат М, А1 и МТВ) и локалните (Кисс-Тетово, Интел-Струмица, Орбис-Битола, Ирис-Штип).

Радио спотот ќе се емитува на националните радио станици Канал 77 и Македонско радио 2, додека печатените реклами ќе бидат објавени во месечниот магазин Моја земја и дневните весници Време (Фармер) и Коха.

Одржани информативни состаноци со Земјоделци

admin — Mon, 23 May 2011 10:05:12 +0000

Во рамки на проектот „Воспоставување на систем за идентификација на земјишни парцели“ реализирани се вкупно 33 состаноци со земјоделци и земјоделски стопанства. Информативните состаноци се дел од медиумската кампања за промоција на СИЗП, а цел на состаноците беше да се презентира системот за идентификаицја на земјишни парцели – СИЗП и земјоделците поблиску да се запознаат со начинот на регистрација и придобивките кои ќе ги имаат како крајни корисници.

Информативните состаноци беа одржани на 33 локации и на истите присуствуваа приближно 1000 земјоделци. Состаноците беа одржани од обучени тимови во кои беа вклучени претставници на МЗШВ, Агенцијата за финансиска поддршка на земјоделството и членови на проектот. На информативните состаноци беа презентирани придобивките кои во иднина ќе ги имаат земјоделците од системот за идентификација на земјишни парцели. Детално беше претставен целиот процес на регистрација, како и начинот и поединечните чекори со кои ќе биде вршена регистрацијата на земјоделските парцели.

Со реализацијата на информативните состаноци се постигна ефикасна комуникација со земјоделците и нивно успешно запознавање со целите и постапките за регистрација на земјоделски парцели, а истовремено земјоделците ја увидоа предноста на регистрираните земјоделкски парцели во рамките на интегрираниот систем за администрација и контрола. Ефикасноста на состаноците беше увидена и од големиот број на поставени прашања, изнесени потешкотии како и барања за подобрување и поедноставување на постапките за регистрација и пријавување на земјоделско производство, како и поефикасна реализација на финансиската поддршка.